Trainingsinhalte INDES Feldkirchen/Himmelberg
HEMATICS - Absetzen und Auswinden
Sprechfenster Blog
Sword Corolina
Textstellen
Peter von Danzig
In allen winden haw stich snÿt lere vinden Auch soltu nit prüfen haw stich ode° schnit In allen treffen Den maisterñ wiltu sÿ effen| Glosa | Merck das ist wenn
[15r] du im mit dem zorñhaw ein haust | So soltu mit den winden am swert gar wol geübt vnd gantz fertig sein | wenn ein iglichs winden hat dreÿ besunder stuck | Das ist ein haw ein stich vnd ein schnidt vnd wenn du windest am swert | So soltu gar eben gedencken das du die stuck nicht vnrecht treibst die in die winden gehörent | Also das dw nicht haust wenn du stechen solt vnd nit schneidest wenn du hauen solt | vnd nicht stichst wenn du schneiden solt | vnd also soltu das stuck albeg wissen das mit recht gehört dar zu zu treiben in allen treffen vnd an pinden des swertz | wildu anders die maister effen oder teuschen die sich wider dich setzen | vnd wie du die winden treiben solt vnd wie vil ir ist an der zal das vindestu in dem letzten stuck der zedel geschriben das da also spricht | Wer wol fürt vnd recht pricht ~ ~
Joachim Meyer
[Ⅰ.20v.3] Winden.
Das wörtlein Winden heist auff gut Teutsch Wenden, welche arbeit soll also gemacht werden, wann du von deiner Rechten an deines widerparts Schwerdt gegen seiner Lincken hast angebunden, so bleib am Bandt fest, und wende ihm das vordertheil deiner klingen einwerdts gegen seinem Kopff, unnd wider heraus, doch das [Ⅰ.21r.1] du alweg under des wie bemelt, steiff an seinem Schwerdt mit dem Bandt bleibest, wie solches hie in disem Exempel zusehen.
[Ⅰ.21r.2] Hauwet einer von dach auff dich, so bindt von deiner Rechten mit einem Zwirch an sein Schwerdt, unnd in dem es glitscht, so stoß dein Knopff under deinem rechten Arm durch, unnd wend also die kurtze schneidt in einem schnall einwerts gegen seinem Kopff, in disem allem aber bleib mit dem schnit hart an seinem Schwerdt, wirt er des schnals gewahr und versetzt, oder wirstu fülen das er dir von Oben vom Schwerdt wil niderfallen zu der blöß so ruck den Knopff under deinem Arm wider herfür gegen deiner Lincken ubersich, unnd schlag ihm wider mit kurtzer schneiden durch die Zwirch zu seinem Lincken ohr.